Gastos de Ribadeo en Común desde os inicios a hoxe 20 maio 2015

Gastos de Ribadeo en Común a día de hoxe (20 de maio), e satisfeitas coas cotas voluntarias dos membros de Ribadeo en Común aprobadas en asemblea ordinaria do 2 de decembro de 2014 (Acta nº4)

Informe primarias. Ribadeo en Común

Informe primarias. Ribadeo en Común. 2015 (v.2)

Difusión

Comisión Electoral

Nota previa: O presente documento é a versión 2. Para a primeira versión foi acordado en

asemblea que fora reestruturada e revisada, o que se tentou facer, incorporando asemade algún documento complementario achegado de xeito posterior.

Índice:

-

1.Historia

2.Resultados

3.Incidencias

6.Recomendacións

7.Conclusións

O presente documento pretende ser un instrumento de transparencia e aprendizaxe do proceso electoral de primarias mantido por Ribadeo en Común entre os días 8 e 17 de abril de 2015.

1.Historia

Na mente das participantes en Ribadeo en Común estivo sempre presente a realización

de primarias abertas. O regulamento de primarias foi aprobado en Asemblea o día 17 de marzo de 2015 e a Comisión Electoral foi elixida o día 28 de marzo de 2015 de xeito incompleto, participando nela tres persoas, Arturo Linares, Manuel Díaz e Antonio Gregorio, e funcionando así ata o final. Asemade, na asemblea de 28 de marzo aprobouse o modelo de compromiso das representantes no concello. As actas correspondentes forman parte da documentación de Ribadeo en Común publicada en internet.

A Comisión Electoral reuniuse en diversas ocasións durante o período electoral, sendo a

primeira o día seguinte a ser nomeada, e a última, para a aprobación do presente documento, previo á súa presentación á Asemblea.

A Comisión Electoral emitiu en ata catro ocasións diversas normas para desenvolvemento do proceso electoral, tentando fixar a interpretación do regulamento de primarias e amañar as posibles faltas do mesmo. Ditas normas adxúntanse no anexo 6.

No proceso electoral houbo 17 candidaturas que cubrían os 17 postos esixidos,

quedando os suplentes a parte. O reconto foi efectuado o día 17 de abril, sendo presentados os resultados a continuación en Asemblea. Na mesma asemblea aprobouse a lista que se presentará ás eleccións municipais, a proposta da comisión.

2.Resultados

Preséntanse embaixo os resultados, unha volta realizadas as operacións correspondentes

segundo o sistema Dowdall, presentando a lista corrixida pola condición de lista cremalleira, na mesma orde, coa mesma nomenclatura coa que xa foi anunciada pola Xunta Electoral de Zona, e unha volta repasada (axuntado a puntuación obtida):

1 25,0416666667

2 21,8527777778

3María Novo Fernández 6,8996031746

4 13,8277777778

5 Lidia Ares Taboada 6,0845238095

6 13,6845238095

7 Eva Paula Roca Posada 5,1063492063

8 7,3226190476

9 4,7857142857

10 4,1087301587

11 3,1277777778

12David Regueiro Rama 3,9662698413

13 1,6000000000

14 3,9067460317

15 1,0956349206

16 3,8678571429

17 1,0928571429

Maria Victoria López Louro

Mario Penelo Riva

Evaristo Lombardero Rico

Iván Rodríguez Lombardero

Julio César González García

María del Rocío Botana García

Carlos Daniel Scavuzzo Mejías

María José García Burgo

María José López Martínez

Víctor Villar Caamaño

María Ángeles Dominguez Barroso

Héctor Peña Díaz

María del Mar Orosa Pérez

Suplentes:

1.Emilio García García

2.Elvira Rosa Posada García

3.María del Carmen Manzanal Gómez

Do mesmo xeito, preséntanse os resultados en xeito gráfico en anexos (anexo 1 e comparativas de anexos sucesivos)

Rexistrouse unha participación de 54 votantes, cun só voto nulo (53 votos a candidatas),

o que representa un 27,84 % do censo de 194 posibles votantes.

Non se adxunta neste informe o ficheiro “Base datos ReC pre avais marzo.pdf” co

conxunto do censo de posibles votantes (194 liñas, incluídas as incidencias e sen depurar posibles casos de non censados, non residentes ou que se teña consciencia da imposibilidade da súa participación por diversos motivos) nin o listado de electores empregado na mesa electoral, no que aparecen as persoas que votaron. Ditos documentos seguen a ser custodiados polo secretario.

Sí se axuntan os datos en bruto dos votos emitidos (anexo 4, conservados cos cálculos

nun ficheiro, “resultados primarias.ods” que tamén segue custodiado polo secretario, co conxunto de material resultante das eleccións, incluídas as sinaturas do manifesto). No anexo citado aparece o 'número de voto' como identificador, para permitir o posible rastreado de cada voto individual pola numeración do mesmo, gardando o segredo de voto.

3.Incidencias

Expóñense aquí as incidencias referidas á Comisión Electoral de Primarias, ben por

escrito ou con máis dunha testemuña, ou observadas directamente por membros da mesma

comisión.

1.A falta de xente foi patente, dende o non poñer urna no rural ata a propia procura de

candidatas para encher a lista ata o mínimo esixido.

2.Notouse moita falta de tempo, que unido á inexperiencia fixo que a normativa se fora

construíndo case sobre a marcha, cunha limitada capacidade de previsión das incidencias.

3.A promoción das primarias foi tardía e case inexistente.

4.Tomouse como lugar de votacións o lugar de traballo e propiedade dunha das candidatas.

5.A propaganda electoral polas canles establecidas foi mínima.

6.Fíxose unha petición por parte da Comisión de Garantías (anexo 7), que desembocou

nunha ampliación de tempo de votación.

7.A mesma petición anterior deu lugar a unha validación das eleccións antes do seu final.

8.A interferencia da prensa no proceso foi escasa, pero dificultou a comprensión das liñas básicas de ReC e do proceso.

9.Houbo que facer algunha modificación no censo electoral a raíz de erros no mesmo.

10.Notouse unha falta de experiencia, manifestándose en todo tipo de situacións.

11.Un dos correos iniciais de aviso de inclusión no censo e posibilidade de votación foi

enviado con dirección á vista, incluíndo na dirección o enderezo de máis de 25 persoas.

12.A lista electoral foi precaria no sentido de non dispoñer dela con antelación abondo

para facer correccións, permitir alegacións.

13.Rachouse unha folla do manifesto por unha votante, a máis da alteración das circunstancias de voto para o seu voto particular.

14.Foi presentada a renuncia por escrito por parte de dous candidatos. Informe Primarias. ReC 2015. p. 4 de 5

15.Na presentación de resultados, nun primeiro momento, presentouse a Nines Domínguez e Mar Orosa cambiadas de posto.

16.O listado enviado á Xunta Electoral de Zona incluía nomes non coincidentes co DNI

correspondente.

17.O listado inicial de candidatura, e aprobado en asemblea, incluía erros de suma de

votos, con incidencia na orde do listado.

18.Houbo varios casos de sinatura en diferido do manifesto.

19.Está recollido un caso que indica a procura dun votante á súa casa por parte dun

candidato, descuberto por outro candidato

6.Recomendacións

Aínda que poderían ser moito máis extensas, en procura de operatividade e incidindo na

solución dos feitos máis rechamantes, apúntase que en votacións sucesivas, os candidatos presentados podan votar polo feito de selo. De xeito menos concreto, pero moito máis necesario, é preciso dispoñer de máis tempo para a presentación de candidaturas (anterior e posterior ó mesmo período de presentación), así como ter a lista electoral un tempo prudencial antes das eleccións, para poder amañar erros, e dispoñer asemade do tempo necesario para que, tanto de xeito interno como externo, haxa información abondosa sobre eleccións, electores, métodos, etc. É dicir, consideramos que o dispoñer de máis tempo permitirá facer as cousas mellor.

-o/os lugares e tempos das votacións deben ser elixidos en base a criterios de equidade

tanto de cara ós candidatos como ós electores.

-a realización dun manual de boas prácticas de candidatos (ou algo semellante) como

desenvolvemento da normativa pode ser unha ferramenta que evite prácticas que non deberan repetirse no proceso.

7.Conclusións

Conseguido. Iso foi o que a asemblea fixo ó validar as eleccións o día 7 de abril, dicir

que se conseguira o obxectivo. Iso non impide que se teña feito a ampliación de prazo para mellorar o proceso ou, no apartado anterior, algunhas recomendacións (aínda que queda indicado que poderían ser máis), a mais de que queden reflectidas diversas incidencias. Incidencias que, unha vez votada a validación, mesmo moito antes deste informe ou de rematadas as eleccións, resultan xa superadas.

Démonos cun canto nos dentes e sigamos a traballar: o resultado foi froito do traballo e

cara ó futuro sabemos como mellorar e a necesidade de facelo.

Unha última nota: este informe, posterior á validación das eleccións, queda realmente só

como informativo ou base da actuación da Comisión de Garantías, motivo polo que a súa redacción ten permitido algunha licenza, asumindo o resultado dunha votación previa da Asemblea.

Ribadeo, abril de 2015.

A Comisión Electoral.

Carta de Compromiso das Persoas representantes de Ribadeo en Común no Concello de Ribadeo.

E aquí o resultado das primarias.

1. Mª Victoria López Louro.

2. Mario Penelo Riva.

3. María Novo Fernández.

4. Iván Rodríguez Lombardero.

5. Lidia Ares Taboada.

6. Evaristo Lombardero Rico.

7. Mª del Rocío Botana García.

8. Julo César González García.

9. Eva Paula Roca Posada.

10. Carlos Daniel Scavuzzo Mejías.

11. Mª José García Burgo.

12. Víctor Villar Caamaño. 13. Mª José López Martínez.
14. David Regueiro Rama.

15.Mª de los Ángeles Domínguez Barroso.

16. Héctor Peña Díaz

17. Mar Orosa Pérez.

Lista de candidatos ás primarias de Ribadeo en Común

Estamos xa a celebrar as nosas primarias, dende o mércores 8 ao domingo 12 de abril, as primeiras en Ribadeo nas que a veciñanza elixirá ás persoas candidatas e a súa orde da lista.

O censo de votantes, por resolución da Comisión Electoral de ReC na súa primeira xuntanza, inclúe ás 200 persoas que encheran os nosos pre-avais (os cupóns dos trípticos) até ese momento.

A convocatoria dunhas primarias abertas é un proceso novidoso para todos, e a inexperiencia pode dar lugar a moitos erros. Algúns deles poden ser rectificados sobre a marcha, outros quedan como leccións para vindeiras ocasións. Por todos eles pedímosvos comprensión e confianza na nosa boa vontade, e axuda para amañalos e prevelos de cara ao futuro. 

Nesta entrada incluímos os nomes das persoas que decidiron presentar a súa candidatura para formar parte da lista de Ribadeo en Común. Algunhas delas achegáronos textos coa súa motivación e perfil, outros non. Esta información poderá actualizarse con novas achegas das persoas candidatas.

A lista está ordenada alfabeticamente.

Lidia Ares Taboada

Motivación:

Por colaborar cun grupo de cidadáns que quere traballar en liberdade e polo ben común, e unirme e apoiar unha nova cidadanía, que de maneira silenciosa está a medrar en todos os lados, e que é máis libre, máis consciente, máis humana, máis transparente, e co afán de traballar en liberdade para o ben común.

Perfil:

Estudos FP2 e traballadora autónoma. Gústame a vida sinxela e humilde e valoro o tempo libre.

Mª del Rocío Botana García

Motivación:

Por reforzar a candidatura de ReC. Polo que no caso de ser elixida primeira da lista, seguramente renunciaría á responsabilidade da alcaldía.

Nines Domínguez Barroso

Motivación:

Cheguei a Ribadeo por primeira vez hai 25 anos e dende entón volvín sempre que tiven vacacións ata xullo de 2007, cando decidimos a miña familia e mais eu trasladarnos aquí definitivamente. Considero Ribadeo un lugar privilexiado para vivir, tranquilo pero á vez dinámico e cun magnífico territorio que conservar e cheo de posibilidades. Nembargantes creo que hai moitas cousas que se poden facer para mellorar a vida dos seus cidadáns e que o plan estratéxico do que Ribadeo queira ser no futuro aínda está por definir, e estou convencida que son precisamente os cidadáns de Ribadeo, os que deben definir ese plan. Por iso, creo firmemente nunha candidatura cidadá sen mochilas e que só teña que render contas ante os cidadáns de Ribadeo.

Perfil:

Nada en Madrid e casada cun ribadense, estudei Ciencias Xeolóxicas e exercín de xeóloga ata xullo de 2013 en varias empresas privadas, e os últimos 13 anos nun Instituto de Investigación. Dende 2010 dirixo unha casa de turismo rural en Lourenzá.

María Novo Fernández

Motivación:

Presento a miña candidatura a R.E.C. porque considero importante contar cunha lista paritaria e convencida de que debemos, e temos a oportunidade de mudar unha democracia representativa a unha democracia participativa, na que todos os veciños/as sexamos partícipes do deseño das políticas locais e no control destas, dando prioridade ao ben común sobre intereses privados ou partidistas. Todos/as temos dereito a decidir e opinar sobre as cousas da nosa vila.

María José Garcia Burgo

Motivación:

Presento esta candidatura exclusivamente para reforzar la candidatura de Ribadeo en Común.

Julio César González García

Motivación:

Aposto por un modelo participativo pleno.

Evaristo Lombardero Rico

Motivación:

1.- Entendo que as políticas de recortes, desinvestimento e retroceso no estado social están a provocar graves sofrimentos a amplos sectores sociais, xunto ca maior marxinación das nacions sen estado propio, como é o caso do nodo país. A resposta debe ser xeral pero debe empezar polos concellos.

2.- Entendo que no concello de Ribadeo danse graves carencias de información, participación e transparencia e o proxecto de “Ribadeo en Común” pode xogar un papel importante para virar esta tendencia no futuro.

3.- Entendo que o colectivo humán de “Ribadeo en Común” e o seu programa recolle as ideas básicas e as prácticas democráticas necesarias para traballar por unha sociedade mais xusta, mais libre e mais moderna.

Perfil:

Data de Nacemento: 17/11/1946

Profesión: Médico xubilado.

Historial de actividades político-sociais:

Militante da Unión do Pobo Galego (1969-1972)

Militante do Movimiento Comunista de Asturias (1974-1980)

Candidato ao Parlamento Español na Coalición Unidad Regionalista de Asturias (1977).

Candidato ao Senado (eleccions parciais, 1979) polo Movimiento Comunista de Asturias.

Concelleiro en Salas (Asturias) pola agrupación de electores “Por un Concejo Democrático” (1979-1981).

Candidato independente na lista do BNG en Ribadeo, nas eleccions municipais de 1983.

Director Regional de Salud Pública no goberno asturiano do PSOE (1986-88)(independente).

Colectivo ESPREITA (Ribadeo) 1988-92

Cofundador e presidente da Plataforma pola Defensa da Ria de Ribadeo (1992-¿?).

Cooperante de Espazo Ecosocialista Galego (2013-2015)

Cooperante de Ribadeo en Común (2014-2015)

María Victoria López Louro

Motivación:

Pola responsabilidade co compromiso feito de colaborar para que esta plataforma participativa poda aventurarse nestes novos ventos do pobo. Carpe diem.

Mª José López Martínez

Motivación:

Porque creo en este proyecto de participación ciudadana.

Mar Orosa Pérez

Motivación:

Gustaríame que a xente tivera un xeito real de participar nas cousas máis e menos importantes e de poder expresar opinións alí donde deben ser escoitadas.

Mario Penelo Riva

Motivación:

No Concello séntanse representantes cidadáns que hoxe en día deciden polo resto de nós.
Chegou o momento de mudar, o sistema de delegación fai que durante catro anos non señamos debidamente informados, escoitados e menos feitos partícipes das decisións que nos afectan.
Aínda que non cabemos os mais de 10.000 ribadenses nas 17 cadeiras do Concello, si hai sistemas de xestión municipal que fan que as voces de tod@s señan debidamente escoitadas, e que se garanta a nosa participación en igualdade de representación nas decisións que directamente nos afectan.
Non é un antídoto, mais esta xestión baseada na transparencia e a participación dificulta a corrupción, desfai as redes clientelares, aumenta a eficacia da xestión do ben común, e favorece que Ribadeo desenvolva unha visión de onde quere estar no longo prazo.
Eu quero un Ribadeo onde todos/as señamos concelleira/os; un Ribadeo organizado para unha xestión colectiva de nós para nós.

Perfil:

Profesional - Empresario del sector de las tecnologías (sector industrial)
Social - Responsable del área de comunicación de Amnistía Internacional de Castilla y León, y miembro del equipo de Relaciones Institucionales

Héctor Peña Díaz

Motivación:

Por unha política divertida, imaxinativa e participativa, que sexa gratificante para todos e cada un dos cidadáns de Ribadeo.

David Regueiro Rama

Motivación:

Por apoyar unha idea que me gusta

Eva Paula Roca Posada

Iván Rodríguez Lombardero

Motivación:

Penso que podo achegar novos folgos e ideas, e é tempo de xuntar forzas, falar, debater e mudar o que non vai ben. Os veciños somos maiores de idade para coñecer e decidir sobre o que é noso. En definitiva, hai moito que facer, e todos debemos achegar o noso esforzo.

Perfil:

Nado en Ribadeo, casado e pai dunha filla de 20 anos, son xeólogo e doutor pola escola de enxeñeiros de montes. Fun técnico de medio ambiente por dous anos no Concello de Ribadeo, consultor ambiental, profesor universitario e instalador de enerxía solar. Participei na Asemblea do 15M de Ribadeo e son voluntario do Proxecto Ríos de Adega.

Carlos Daniel Scavuzzo Mejías

Motivación:

Mi compromiso con los vecinos de Ribadeo y con los miembros de ReC es trabajar con honestidad y transparencia.

Víctor Villar Caamaño

Motivación:

Para axudar a conformar unha lista que será decidida pola propia veciñanza por vez primeira na historia de Ribadeo. Esa é a miña motivación: que esta lista feita por veciños e decidida por veciños saia adiante.

Regulamento das eleccións primarias (Versión A, 18/03/2015)

REGULAMENTO DAS ELECCIÓNS PRIMARIAS DE RIBADEO EN COMÚN ……..     2

Artigo 1. Obxecto…………………………………………………………………………………………............ 2

Artigo 2. Requirimentos para os electores……………………………………………...………............    2

Artigo 3. Requirimentos para os candidatos……………………………………………………...........    2

               Proceso electoral…………………………………………………………………………….............      3

Artigo 4.  A Asemblea…........…………………………………………………………………………………....    3

Artigo 5. Comisión electoral………………………………………………………………………….............    3

Artigo 6. Proceso de eleccións primarias abertas…………...........…………………………………..     4

REGULAMENTO DAS ELECCIÓNS PRIMARIAS DE RIBADEO EN COMÚN

Artigo 1. Obxecto

1.1. O presente regulamento ten por obxectivo establece-las normas para a celebración dunhas eleccións primarias para confeccionar a candidatura municipal que Ribadeo en Común (ReC en adiante) presentará ás eleccións municipais de maio de 2015.

Artigo 2. Requirimentos para os electores

2.1. Poderán votar nas eleccións primarias de ReC tódalas persoas censadas en Ribadeo maiores de 18 anos no momento da votación e que teñan asinado o manifesto fundacional.

Artigo 3. Requirimentos para os candidatos

3.1. Calquera persoa que cumpra cos requisitos recollidos nos artigos 177 e 178 da Lei Orgánica 5/1985 do Réxime Electoral Xeral e que non incorra en ningunha das incompatibilidades recollidas neste apartado.

3.2. Cada persoa candidata deberá asinar por escrito o compromiso de cumprimento e defensa do programa (no estado no que no seu momento se encontre, xa que a súa construción é dinámica e aberta á participación), do código ético, do manifesto fundacional de ReC e da “Carta de compromiso”.

Nesta “Carta de compromiso” inclúese a obriga de cesar, nun futurible, do seu cargo como representante de ReC, no caso de decidirse no proceso revogatorio que se estableza pola asemblea, e a declaración de non incorrer en ningunha das incompatibilidades fixadas neste documento.

3.3. Cada persoa aspirante deberá entregar unha fotografía xunto cunha breve descrición do seu perfil e outra onde poderá expresa-la súa motivación persoal (por que cree que debe ser votada nestas primarias); que se empregarán na divulgación das candidaturas.

3.4. Non se permiten candidaturas conxuntas, listas ou calquera agrupación de candidatos. Os candidatos actuarán como veciños con propostas individuais.

3.5. Incompatibilidades das persoas candidatas

Non poderán participar como persoas candidatas no proceso de primarias:

a) as persoas imputadas por delitos relacionados con subornos, prevaricación, tráfico de influencias, enriquecemento inxusto con recursos públicos ou privados, malversación e apropiación de fondos públicos

b) as persoas en situación de imputación xudicial por delitos de racismo, xenofobia, violencia de xénero, homofobia, delitos ecolóxicos, maltrato animal, contra os dereitos humanos ou os dereitos das persoas traballadoras.

c) as persoas que teñan cargos en organizacións políticas (non sindicais, só partidos). Se as funcións se derivan unicamente dun contrato laboral, sendo así persoal contratado, poderá presentarse como un veciño máis.

Proceso electoral

Organos

Artigo 4. A Asemblea

4.1. Aproba e pon en marcha o regulamento para o proceso de eleccións primarias.

4.2. Fixa qué persoas se encargarán das tarefas e responsabilidades.

4.2. Aproba as resolucións da Comisión Electoral, e decide nos asuntos que esta remita.

4.3. Fixa os criterios que dan ou quitan validez ó proceso (equidade, xénero, representatividade, lexitimidade, ...).

4.4. Adapta, valida, aproba e publica: a lista electoral, un informe coa lista completa de escritos remitidos coas súas resolución motivadas.

Artigo 5. Comisión electoral

5.1. A dirección do proceso electoral e tódalas cuestións relacionadas con el corresponde á Asemblea de ReC, que delega o seu desenvolvemento nunha Comisión Electoral creada especificamente para este cometido.

5.2. A Comisión electoral estará composta por cinco persoas nomeadas pola Asemblea de ReC. Non poderán facer parte da Comisión Electoral as persoas que participen como candidatas no proceso de primarias. Sendo este o único requirimento.

5.3. Funcións da Comisión Electoral

a) Velar polas normas presentes neste regulamento e xestiona-lo proceso de elección para obter unha lista coas garantías de que esta sexa representativa de ReC, e dos seus principios.

b) Garantir a tódalas persoas aspirantes un acceso equitativo ás posibilidades de divulgación das candidaturas polos medios que decida esta comisión, previa aprobación da asemblea.

c) Garanti-la participación das veciñas e ós veciños organizando a debida información, acceso ós candidatos e candidatas, e ós puntos para a recollida do seu voto.

c) Interpretar este regulamento en relación as posíbeis queixas, denuncias e irregularidades que se poidan dar durante o proceso de primarias. Adopta-las decisións en base ós documentos de forma imparcial, motivando por escrito á asemblea tódalas decisións.

d) Resolver aquelas cuestións que non estivesen contempladas no presente regulamento. As decisións que non se podan adoptar por non estaren incluídas neste Regulamento e non estar en documentos base de ReC (manifesto, actas de asembleas), deberán estruturarse e dirixirse á asemblea; tendo capacidade para convocar con tres días de antelación unha asemblea extraordinaria cos únicos puntos a tratar os que solicite a Comisión relativos ó proceso de Primarias.

e) Establece-lo censo de electores baseándose neste regulamento.

e) Regula-lo funcionamento das mesas para garantir que o electorado emite un único voto.

f) Realiza-lo reconto e facer públicos os seus resultados.

g) Realizar un informe coa información do proceso para cumprir co compromiso de transparencia, que incluirá:

. Lista completa de escritos remitidos coas súas resolución motivadas.

. Lista de asuntos remitidos á asemblea e o motivo de dita solicitude.

. Actas das asembleas extraordinarias que se soliciten.

h) Debaterá e informará de asuntos relativos as Primarias que sexan consultados pola asemblea. Como exemplos: protección ante o “asalto” ou análise e decisión sobre propostas sobre o proceso de primarias.

Artigo 6. Proceso de eleccións primarias abertas

6.1. Fases e calendario

• Aprobación do regulamento (18 de Marzo) e posta en marcha da comisión electoral (do 18 de Marzo en adiante).

• Presentación do proceso de elección primarias abertas, abrindo o período de promoción e información a candidatas e candidatos (do 18 a 29 de Marzo).
• Inscrición de candidaturas (do 29 a 31 de Marzo). Enténdese que as candidaturas presentadas fora de este prazo e antes do x de Abril (ten que toma-la decisión a comisión electoral unha vez constituída) serán válidas aínda que terán menos espazo en tempo de divulgación.
• Validación e publicación das candidaturas presentadas dentro do prazo anterior (1 de Abril).
• Publicidade política dos candidatos ou campaña electoral (1 a 7 de Abril)
• Recollida de votacións (do Mércores 8 ó Domingo 12 de Abril)
• Publicación dos resultados e o informe (Martes 14 de Abril)

6.2. Inscrición de candidatas e candidatos

6.2.1. A comisión electoral elaborará un formulario que se cumprimentará polas persoas candidatas directamente, ou coa asistencia dunha persoa de ReC se o require. Publicarase no facebook e distribuirase por e-mail para as persoas que podan interesarse.

6.2.2. Dito formulario xunto a copia impresa coa sinatura (incluíndo DNI, nome e apelidos) dos documentos que se requiren neste regulamento será entregado á comisión electoral (o segredo sobre todos os datos das persoas candidatas manterase até o día de publicación de candidaturas).

6.2.3. Previa publicación das candidaturas celebrarase una asemblea para valida-lo posible rexeitamento de candidatos e aprobar a lista de candidaturas para dar paso á súa presentación.

6.3. Presentación de candidaturas

6.3.1. Publicarase a relación de persoas candidatas nunha lista completa (ordenada polo nome que figura no DNI), coa foto, o perfil e o texto presentado pola persoa candidata. Farase no facebook, twitter e blog de ReC, e enviarase a tódalas persoas asinantes do manifesto e candidatas por e-mail.

6.3.2. As persoas candidatas disporán dun espazo dentro das ferramentas de comunicación de ReC para presenta-la súa candidatura así como a posibilidade de enviar dous comunicados mediante e-mail a toda a listaxe de asinantes de ReC.

6.3.3. As persoas candidatas poderán facer uso dos seus perfís persoais nas redes sociais, deberán ter en conta que os contidos difundidos neste medio poderán, se incorren nalgún dos casos contra o regulamento indicado, ser susceptibles dunha resolución da comisión electoral sobre a súa candidatura.

6.3.4. A Comisión Electoral propiciará debates públicos entre as persoas candidatas en espazos accesibles, a estrutura da mesma definirase en función do número de candidaturas presentadas.

6.3.5. Quedan expresamente prohibidos o uso de outros medios publicitarios alén dos postos a disposición por parte de ReC. En ningún caso se permitirá o o uso de materiais propagandísticos nin a publicidade pagada. (O incumprimento deste principio suporá a anulación da candidatura).

Artigo 7. Votación.

7.1. A recollida de votos farase durante oito horas, catro en día laboral e catro en fin de semana en cada unha das parroquias. Na vila en catro xornadas: oito horas en fin de semana, catro en día laborable en horario de tarde e outras catro en día laborable horario de mañá, e un Mércores de 10:00 a 15:00.

7.2. Poñerase a disposición unha “urna móbil” para facilita-la participación de persoas con limitacións de mobilidade se se solicita mediante correo electrónico ou chamada de teléfono.

7.3. Só se poderá votar de maneira presencial. Entendemos que a participación dixital cos medios dos que dispoñemos non garante a igualdade de representatividade, sendo os colectivos que non fan uso habitual de internet os prexudicados.

7.4. Nas mesas electorais haberá un mínimo de tres persoas que escollerá o comité electoral, persoas que terán a función de presidencia, secretaría e vogalía. Poderán formar parte das mesas electorais tódalas persoas que llo soliciten anticipadamente ó comité electoral e non figuren na listaxe de persoas aspirantes.

7.5. O dereito de segredo ó voto estará garantido polos medios loxísticos precisos.

Artigo 8. O sistema electoral.

8.1. Haberá unha única votación con voto ponderado, no que a persoa con maior puntuación final será designada candidata á alcaldía de Ribadeo por ReC. Elixiranse un total de 17 + 3 persoas.

8.2. Cada elector ou electora poderá votar de forma ordenada un máximo de 10 persoas, podendo distribuír os seus votos entre candidaturas colectivas e individuais.

8.3. O sistema de voto será o Dowdall, co seguinte esquema de ponderacións:

Primeiro lugar 1

Segundo lugar 0,5

Terceiro lugar 0,33

Cuarto lugar 0,25

Quinto lugar 0,20

Sexto lugar 0,17

Sétimo lugar 0,14

Oitavo lugar 0,13

Noveno lugar 0,11

Décimo lugar 0,1

8.4. As papeletas de votación incluirán os apelidos e nome de tódalas persoas candidatas. Pódese decidir se incorporar a imaxe ou non do candidato en dita papeleta.

8.5. Non se poderá facer campaña de forma agrupada, ou mediante candidatura conxunta ou lista.

8.6. Na papeleta, a orde de presentación tanto das candidaturas como das persoas, será alfabética usando o primeiro nome que figura no DNI.

8.7. Terán a condición de persoas candidatas suplentes as que unha vez realizado o escrutinio e a ordenación definitiva non lograron os puntos suficientes para seren candidatas titulares.

8.8. Os resultados das primarias serán corrixidos para que na lista definitiva figuren alternativamente persoas de diferente sexo, ou lista cremalleira.

8.9. No caso de que o número de persoas aspirantes non complete o mínimo de 20 precisos para conforma-la candidatura municipal, os postos necesarios ate completar ese número escolleranse entre as persoas integrantes de ReC (esas persoas ocuparían os últimos lugares da lista).